ఇప్డు డు నరసింహారావు మా ఇంటికి అల్లుడు కాదు. పెద్దకొడుకు. మంచీ చెడూ అన్నీ  కనుక్కుంటాడు. తరుచుగా ఉత్తరాలు రాస్తాడు. ఫోన్లు చేస్తాడు. ఆరోగ్యం సంగతి అడుగుతాడు. మావయ్యగారు వేళ కి భోజనం చేస్తున్నారా అని అడుగుతాడు. మందులు వేసుకుంటు న్న్నారా, డాక్టర్ దగ్గరికి రెగ్యులర్ గా వెడుతున్నారా అని అన్ని విషయాలూ శ్రద్ధగా అడుగుతాడు. సలహాలు చెప్తాడు. ఏ సాయం కావాలన్నా ముందుకి [...]

కాశీలో ఆంధ్రా ఆశ్రమంలో బస చేశాం.నాలుగు గదులు తీసుకున్నాం .రోజూ పొద్దున్నే గంగకి వెళ్లి స్నానం చెయ్యటం ఒడ్డున ఉన్న శివ లింగానికి గంగా జలంతో అభిషేకం చెయ్యటంఅక్కడినుంచి విశ్వనాథ ఆలయానికి వెళ్లి దర్శనం చేసుకోవటం ,తిరిగి బసకి రావటం .రోజూ ఇదే పని. మేం వెళ్ళింది మార్చ్ చివరలో కాబట్టి చలి లేదు ,ఎండ కూడా ఎక్కువ లేదు.ఆశ్రమం వాళ్ళ దగ్గర కొన్ని గిన్నెలు ,కుంపటి తెచ్చుకుని [...]

1978లో  కామేశ్వరి పెళ్లి అయింది. వరుడు వల్లభ జోస్యుల నరసింహారావు. వాళ్ళది గుంటూరు. వాళ్ళ నాన్నగారు మధుసూదనరావు గారు - గుంటూరులో ఏసీ కాలేజిలో కెమిస్ట్రీ లెక్చరర్. పెద్ద కుటుంబం. అందరూ బాగా చదువుకున్న వాళ్ళు.సంస్కారవంతులు. నరసింహారావు స్టేట్ బాంక్ లో ఉద్యోగం చేస్తున్నాడు. మేము అప్పట్లో చామియర్స్ రోడ్డులో ఉంటున్నాము. మా ఇంటికి దగ్గరలోనే వల్లభ జోస్యుల  భాస్కర రావు [...]

ఒకసారి మేము ఏదో సినిమా ప్రీవ్యూకి ప్రసాద్ స్టూడియో కి కార్లో వెళ్తున్నాం.స్టూడియో రోడ్డులోకి వచ్చేశాం. ఇంకో రెండు నిమిషాల్లో స్టూడియో లోకి వెళ్ళిపోతాం.రోడ్డు పక్కన ఓ కారు ఆగి ఉంది .పక్కన సాలూరు రాజేశ్వర రావు గారు నించుని ఉన్నారు.రోడ్డుకి అవతల వైపున కిళ్ళీ కొట్టు లాంటిది ఉంది. అక్కడి నించి తెలుగు పాట  వినిపిస్తోంది. చెంచు లక్ష్మి సినిమాలో పాట. 'పాలకడలిపై శేష [...]

తమిళులకి మంగళ వారం నోము తెలియదు.వరలక్ష్మీ వ్రతం మాత్రం తప్పకుండా చేసుకుంటారు.అది కూడా ఒక్కొక్కళ్ళకి ఇంట్లో ఆనవాయితీ ఉంటుంది.కొంతమందికి వుండదు.అమ్మలు అత్తగారు వాళ్ళు అయ్యర్లు.వాళ్ళింట్లో వరలక్ష్మీ వ్రతం చేసుకోరు.అయినా మా ఇంట్లో అలవాటు ప్రకారంఅమ్మలు పూజ చేసుకుంటుంది అమెరికాలో కూడా.మాఅల్లుదు కార్తిక్ కి కూడా పూజలంటే యిష్టమే. వినాయక చవితి, కృష్ణాష్టమి, నవరాత్రి [...]

ఈ మంగళ వారాలు నాలుగింటి మధ్యలో శుక్ర వారం వరలక్ష్మీ వ్రతం వస్తుంది.ఇది కూడా నాలుగు శుక్ర వారాలూ చేసుకోవచ్చు.కాని ప్రత్యేకంగా పౌర్ణమి ముందు వచ్చే శుక్ర వారం తప్పకుండా చేసుకోవాలి.పీట కడిగి పసుపు రాసి ముగ్గు వేసి బొట్లు పెట్టి దాని మీద బియ్యం పోసి దానిమీద కలశం పెట్టి ,దానిమీద కొబ్బరి కాయ ని కల్యాణం బొట్టు,జాకెట్టు గుడ్డ,పూల దండలూ ,నగలతో అలంకరించాలి .ఆ కలశంలో [...]

ఈ మంగళ వారాలు నాలుగింటి మధ్యలో శుక్ర వారం వరలక్ష్మీ వ్రతం వస్తుంది.ఇది కూడా నాలుగు శుక్ర వారాలూ చేసుకోవచ్చు. కాని ప్రత్యేకంగా పౌర్ణమి ముందు వచ్చే శుక్ర వారం తప్పకుండా చేసుకోవాలి. పీట కడిగి పసుపు రాసి ముగ్గు వేసి  పూల దండలూ, నగలతో అలంకరించాలి. ఆ కలశంలో లక్ష్మీ దేవిని ఆవాహన చేసి పూజ చేసి తొమ్మిది రకాల పిండి వంటలతో  బొట్లు పెట్టి దాని మీద బియ్యం పోసి దానిమీద కలశం [...]

మంగళ గౌరీ వ్రతం శ్రావణ మాసంలో వచ్చే నాలుగు మంగళ వారాలూ చేసుకోవాలి. ఏ కారణం చేతనయినా మొదటి మంగళ వారం పూజ చేసుకోవడం కుదరక పోతే ఇక ఆ సంవత్సరం నోము లేనట్టే .మళ్ళీ వచ్చే సంవత్సరమే .అలాగే ఆఖరి వారం కూడా తప్పనిసరిగా చెయ్యాలి.ఒకవేళ కుదరక పోతే తర్వాత భాద్రపద మాసంలో వచ్చే వినాయక చవితి నాడు పూజ చేసుకుని అమ్మవారికి ఉద్వాసన చెప్పాలి.కొత్తగా పెళ్ళయిన ఆడ పిల్లలందరూ చేసుకోవలసిన [...]

పాపాయికి నాదగ్గర బాగా అలవాటయింది .ఎక్కువగా నాతోనే ఉండేది.శ్రీదేవి అత్త అనటం రాక చీలాత్త అనేది. మా అయన నవ్వుతుండేవారు ఆమాటకి.అన్నం పెట్టటం, తలదువ్వటం, ఆడించటం అన్నీ చేసేదాన్ని.రాత్రి పూట కూడా నాదగ్గరే పడుకుంటానని పేచీ పెట్టేది, వాళ్ళమ్మ దగ్గర పడుకున్నపిల్ల ఒకరాత్రి వేళ లేచి అత్త దగ్గర పడుకుం టానని ఏడుపు మొదలు పెట్టేది. భాగ్యవతి తీసుకు వచ్చి నా దగ్గర వదిలి [...]

అప్పర్ సామి కోయిల్ వీధిలో మేము ఉన్నప్పుడే, అంటే నేను మద్రాసు వచ్చిన కొత్తలో,బాపు గారి తమ్ముడు శంకర్ వడుగు అయింది. బాపు గారు, భాగ్యవతి పీటల మీద కూర్చుని వడుగు చేశారు. పాపాయి -అంటే బాపు గారి అమ్మాయి భానుమతి అప్పటికి రెండేళ్ళ పిల్ల  . ముద్దుగా ముచ్చటగా ఉండేది.చిన్న చిన్న పిలక జడలు వేసుకుని తిరుగుతూ ఉండేది. చిన్న ముత్యాల్లాంటి పళ్ళు. ఎప్పుడూ నవ్వుతూ ఉండేది.నేను [...]

నేనొకసారి బెజవాడ వెళ్లాను, రెండు మూడు రోజులకే.నేను ఎప్పుడు ఎక్కడికి వెళ్ళినా అంతకంటే ఎక్కువ ఉండను. వెళ్ళేటప్పుడు ఇంట్లో అన్ని వస్తువులూ ఉన్నాయా అని చూసి అన్నీ తెచ్చిపెట్టి  వెళ్ళేదాన్ని. మా అత్తగారిచేతికి  కొంత డబ్బు ఇచ్చేదాన్ని ఇంకా ఏమన్నా కావాలంటే తెప్పించుకోండి అని.ఆ సారి నేను ఊరు వెళ్ళినప్పుడు కూరలు సరిపడినన్ని లేవని మా తోడికోడలు లక్ష్మి [...]

ఆ సంవత్సరం దీపావళికి విపరీతమైన వర్షాలు పడ్డాయి. రోడ్డు నిండిపోయి మా ఇంటి ఆవరణ లోకి కూడా నీళ్ళు వచ్చేశాయి. దీపావళి రోజున పిల్లలు ఆ వర్షంలోనే ఆ నీళ్ళలోనే టపాసులు కాల్చుకున్నారు.మా రోడ్డుకి అవతల వైపున ఉన్న స్లం ఏరియా అంతా నీటితో నిండి పోయింది.అక్కడే మా పనివాళ్ళూ  ఉండేవాళ్ళు. వాళ్ళ ఇళ్ళలోకి నీళ్ళు రావటంతో వాళ్ళంతా మా ఇంటికి వచ్చేశారు. రెండు రోజులు వాళ్ళంతా మా [...]

మా అమ్మలు (అనూరాధ) కాలేజీలో చదువుకునేటప్పుడు, తరవాత ఉద్యోగం చేస్తున్నప్పుడు కూడా ప్రతి శుక్రవారం చుడీదార్ మానేసి చీర కట్టుకుని వెళ్ళేది. తనకి తెల్ల చీరలంటే ఎక్కువ ఇష్టం.మా ఇంట్లో పెద్ద సన్నజాజి పందిరి ఉంది. పువ్వులు విపరీతంగా పూసేవి. సాయంత్రం వేళ గూర్ఖా బుట్టనిండా పువ్వులు కోసి తెచ్చేవాడు. రెండు గంటలసేపు ఆపూలన్నీ మాలలు కట్టి అందరికీ ఇచ్చేదాన్ని. ఒక పెద్ద [...]

మా అత్తగారికి గార్డెన్ స్కూల్ అన్నా ఆంధ్ర మహిళా సభ అన్నా చాలా ఇష్టం గౌరవం .అక్కడ కూడా అందరూ ఆవిడని గౌరవిస్తారు .ఆవిడ తన కష్టం రోజుల్లో మహిళా సభ వల్ల చాలా ఉపకారం పొందారు. మా మామగారు పోయిన తర్వాత కొడుకులిద్దరినీ తీసుకుని మా అత్తగారు మద్రాసు వచ్చేస్తే మహిళాసభలోదుర్గాబాయిగారు హిందీ ట్యూషన్లు కుదిర్చి ఎంతో సాయం చేశారు.రమణగారు పెద్దయి ఉద్యోగంలో చేరి ఆ తరువాత [...]

మా వదినగారికి ఇద్దరు కూతుళ్ళు.లక్ష్మి, కామేశ్వరి. లక్ష్మిని మా మరిదికే ఇచ్చి పెళ్లి చేశారు. వదినగారి భర్త సత్యనారాయణగారు వైజాగ్ పోర్టులో పని చేసేవారు.రమణగారికి పదేళ్ళు, రామచంద్ర రావుకి అయిదేళ్ళు వయస్సులో ఉన్నప్పుడే మా మామగారు పోయారు.అప్పుడు మా వదినగారి భర్త బావమరుదులిద్దరినీచేరదీసి ఆదుకున్నారు. దగ్గర పెట్టుకుని వాళ్ళ చదువులూ అవీ చూశారు. ప్రేమగా [...]

Apologies for the long delay - back to Chennapattnam vivaraalu!మా ఇల్లు ఎప్పుడూ మనుషులతో కిటకిటలాడుతూ, కళకళలాడుతూఉండేది.ఇంట్లో వాళ్ళమే పదిమందిమి ఉండేవాళ్ళం. మేము కాకుండా వచ్చీ పోయే వాళ్ళు.నాలుగు రోజులుండివెళ్ళేవాళ్ళు కొందరయితే, నలభై రోజులుండే వాళ్ళు కొంతమంది,నూట  నలభై రోజులుండే వాళ్ళు కొంతమంది. జబ్బులకి ట్రీట్ మెంటు కోసం వచ్చి, అది పూర్తి అయ్యేదాకా ఉండి వెళ్ళేవాళ్ళు .ఆడపిల్లల్ని  తీసుకు వచ్చి, [...]

ఇన్నేళ్ళు వీణ నేర్చుకున్న పక్క వాయిద్యాలతో కలిపి నేర్పించలేదు. ఒక పక్కన విశ్వేశ్వరమ్మ గారి వయోలిన్, ఇంకో పక్కన గోపాల్ మృదంగం. నేను గుడ్లు తేలేసాను. “ఏం  భయపడకు. మేం ఇద్దరం నెమ్మదిగానే ఫాలో అవుతాము. ధైర్యంగా వాయించు’” అన్నారు గురువుగారు. స్టేజి మీదకి వచ్చి వీణ ముందు కూర్చుని చేతిలోకి తీసుకోగానే- శ్రుతులు జారిపోయినాయి. నాకు ముచ్చెమటలు పట్టేసాయి. టుం టుం అనుకుంటూ [...]

సంగీతం టీచరు సరిగమలు మొదలు పెట్టి సరళీ స్వరాలు అయేటప్పటికి మేము ఇల్లు మారిపోయి మోబ్రేస్ రోడ్డు ఇంటికి వచ్చేశాము. అక్కడా స్థిరంగా లేము కదా. ఒకటిన్నర సంవత్సరం అవగానే బెజవాడ వెళ్ళిపోయాం. అక్కడ- జ్యోతి లీల గారి ద్వారా ఒక హిందీ టీచరుని పట్టుకున్నారు మా అత్తగారు. ఆవిడ వారానికి మూడు సార్లు ఇంటికి వచ్చి హిందీ చెప్పేది. ఎవరి ద్వారా కుదిరారో నాకైతే జ్ఞాపకం లేదు గానీ- సంగీతం [...]

ఆ సంగతులన్నీ తలుచుకుంటే ఇప్పుడు ఎంత నవ్వోస్తుందో. ఇలా ఇంట్లో ఎవరికి చెప్పకుండా సినిమాకి వెళ్ళడం కొంచెం గుండె దడగా ఉన్నా ఇంకొంచెం థ్రిల్లింగ్ గా ఉండేది. ఆళ్వార్ పేట ఇంట్లో ముందు గేటు పక్కన పెద్ద జామ చెట్టు ఉండేది. అక్కడ పెద్ద ఖాళి స్థలం ఉండేది. అక్కడ మెత్తటి ఇసుక పోయించి ఉయ్యాల, జారేబల్ల, సీ.సా. అన్నీ ఏర్పాటు చేశారు రమణగారు. సాయంత్రం చల్లబడ్డాక అక్కడ పిల్లలు [...]

మా అత్తగారిని, ఆడపడుచుగారిని, లక్ష్మినీ సినిమాకి వెళ్ళమనేదాన్ని. “పిల్లల్ని నేను చూసుకుంటాను మీరు వెళ్ళండి” అనేదాన్ని. చినబాబు మరీ చిన్నవాడు. వాడిని మాత్రం తీసుకుని సినిమాకి వెళ్ళేది భాగ్యవతి. వాళ్ళంతా సినిమాకి వెళ్ళాక స్థిమితంగా వంట చేసుకుని కూర్చునేదాన్ని. సినిమా నించి తిరిగి వచ్చేలోపల పిల్లలందరికీ అన్నాలు కూడా పెట్టేసేదాన్ని. ఇలా కొన్ని సినిమాలు అయ్యాక మా [...]

జనవరి 14న బుజ్జి మొదటి పుట్టిన రోజు. ఆ రోజు సంక్రాంతి పండుగ. తెలిసిన వాళ్ళందరిని పిలిచి పేరంటం చేశాం. పాపాయి బాబు ముగ్గురిని కూర్చో బెట్టి భోగిపళ్లు పోశాం. మేం మద్రాసు తిరిగి వచ్చేశామని అందరికి తెలిసిపోయింది.రెండు మూడు నెలలకే సినిమా షూటింగుకి రమణగారు, బాపుగారు రాజమండ్రి వెళ్లారు. అక్కడికి దగ్గరలోనే చిన్న గ్రామం పులిదిండి. అక్కడే తీసారు మొత్తం సినిమా. సినిమా అంతా [...]

అప్పుడు నాన్న జబ్బుతో ఉన్నారు. బెజవాడలో అన్నయ్య ఇంట్లో ఉన్నారు అమ్మా నాన్నా. చూట్టానికి వెళ్లాను. బుజ్జికి నాలుగేళ్ళు, అమ్మలుకి రెండేళ్లు ఉంటాయేమో. బెజవాడ వెళ్ళడం ఎలా వెళ్ళానో జ్ఞాపకం లేదు. రెండు రోజులు అయ్యాకా ఏలూరు వెళ్ళి వద్దామని అనుకున్నాను. అంతకు నాలుగైదు నెలల క్రితమే అమ్మడు పెళ్ళి అయ్యింది. పెళ్ళి హైదరాబాదులో. నాకు వెళ్ళటానికి కుదరలేదు. అమ్మడు అప్పుడు [...]

పుల్లయ్య గారు “ప్రాణమిత్రులు” సినిమాకి బుక్ చేసుకున్నారు. అన్నపూర్ణ వారి “పూలరంగడు” సినిమా క్లైమాక్స్ కోసం డైరక్టరు గారు, నిర్మాత గారు కూడా బెజవాడ వచ్చి మాట్లాడి వెళ్లారు.సినిమా స్క్రిప్ట్ కోసం రమణగారు తరచు మద్రాసు వెళ్ళేవారు. నాలుగైదు రోజులుండి వస్తుండేవారు. అలా నెలకి రెండు సార్లన్నా మద్రాసు వెళ్ళేవారు. ఒకసారి మద్రాసు వెళ్ళి పదిహేను రోజులుండిపోయారు. తిరిగి [...]

మా అత్తగారు కాశీ నుంచి వచ్చాక మనవడిని చూసి చాలా మురిసిపోయారు. బారసాల చేసి పేరు పెట్టాలన్నారు. రమణగారు ఎప్పుడూ ఊళ్ళో ఉండేవారు కాదు. వారానికోసారి మద్రాసుకి వెళ్తూ వస్తుండేవారు. స్థిమితంగా ఊళ్ళో ఉంటే బారసాల చెయ్యవచ్చు, నామకరణమూ చెయ్యవచ్చు- కానీ అంత తీరిగ్గా ఎప్పుడూ ఉండేవారు కాదు. యెప్పుడడిగినా  ‘”ఇప్పుడు కాదు – చూద్దాంలే”’ అని అంటుండేవారు. మా అత్తగారికి ఇంకా [...]

అదివరకు అప్పుడప్పుడూ అనుకునేవారు – ధవళేశ్వరం వెళ్లిపోవాలని. అది ఆయన పుట్టి పెరిగిన వూరు. గోదావరి పక్కనే ఇల్లు. ఆ పక్కనే శివాలయం. ఇంకో పక్కన జనార్ధనస్వామి కోవెల. ఇవన్నీ ఆయనకి చాలా ఇష్టమైన విషయాలు. అక్కడికి వెళ్ళిపోయి ఏ గొడవలు లేకుండా ప్రశాంతంగా ఉండాలని ఆశపడుతూ ఉండేవారు. కాని ప్రశాంతంగా ఉండాలంటే ముక్కు మూసుకుని తపస్సు చేసుకుంటూ కూర్చునే పరిస్థితి కాదు కదా. ఇంత [...]