శేష నగము జేరి చెలు వార కొలువైన వేంకటేశ్వరుడవు వెలయ మాకు కలల పంటవైన యిల వేల్పు నీవెరా శ్రీని వాస సాయి ! శిరిడి రాజ !   తిరుమ లేశు నెదను దీటు గా కొలువైన అమ్మ- త్రిభువనాల కండ దండ పరమ సాధ్వి యైన పద్మావతియె నీవు శ్రీని వాస సాయి ! శిరిడి రాజ !   తాను విశ్వ మందు తన యందు విశ్వమ్ము " తామరాకు నీరు " తనరు భంగి వెలయు విష్ణు రూప ! విశ్వావనీ నాధ ! శ్రీని వాస సాయి ! [...]

జయ మంగళ శుభ కరునికి జయతు జయతు నిఖిల లోక జగదీశునకున్ జయ పావన శుభ చరితుకు జయతు జయతు సాయి నాధు చరణ యుగళికిన్   జయ రంజిత నామమునకు జయతు జయతు సాయి రాము సర్వజ్ఞు నకున్ జయ జగతీ జన వరదుకు జయతు జయతు కరుణామయు చరణ యుగళికిన్   జయ సర్వాంతర్యామికి జయతు జయతు సర్వ కార్య జయ శీలునకున్ జయ విశ్వ జనావరుణికి జయతు జయతు దేవ దేవు చరణ యుగళికిన్   జయ యోగీశ్వర [...]

చెవి నిల్లు గట్టుక  ’ సెల్ ఫోను ‘ విడువదు నిద్దుర చెఱుపక  ‘ నెట్టు ‘ విడదు శ్రీవారు దిట్టక  ’ టీవీలు ‘ విడువరు పది యడుగుల కైన ‘ బండి ‘ విడదు పన్నెండు దాటినా ‘ పడకలు ‘  పిలువవు పొద్దున్న లేవంగ బుధ్ధి గాదు ఉరుకులు పరుగులు – ఓరుముల్ తక్కువ సంతృప్తి యన్నది సుంత లేదు   పనికి రాని ‘ ఇగో ’ లతో బతుకు నిండి మనసు , దేహము కృతకమై మారి మనిషి సహజ [...]

కదలి రావమ్మ! మకర సంక్రమణ లక్ష్మి!  నేల తల్లి నోదార్చి కన్నీరు తుడువ చూడ రావమ్మ పుట్టింటి వాడ వాడ గోడు గోడున నేడ్చు మా గోడు వినగ    ఋతువు లేమాయె? యే ‘మాయ’ గతులు మార్చె ? వర్ష ఋతువున వానలు పడుట లేదు నేలలో నీరు మృగ్యమై చేలు , ప్రాణు లెండి యగచాట్ల పాల్బడు చుండె జనము   ఎట్టు లెటులొ పంట పండించి నూర్చు పట్టున నురిమి వానలు వరద లగుచు నోటికాడి కూడు నెగదన్ను కొని పోవ [...]

మానవుని దృష్టి పరిమితం . మానవుని మేథస్సు పరిమితం . మానవుని శక్తి పరిమితం . మానవుని జీవితం పరిమితం .   అందుకే తన శక్తి  కంటే అపరిమిత శక్తి వైపు ఊహ మొదలైంది . ఊహ వైపు శోథన మొదలైంది . ఫలితంగా భగవద్భావన మొదలైంది . తన కంటే శక్తి సంపన్నులైన లోకోత్తర పురుషుల ఆరాథన మొదలైంది . ఈ భూమి పై జన్మించిన ఆ లోకోత్తరులే- మానవ జాతి నుథ్థరించిన మహాను భావులైనందున – వారే [...]

                              అనురాగపు మనోజ్ఞతల అపురూపమా ! నట్టింటను నడయాడే నయన మనోహరమా ! అమ్మా నాన్నల నోముల కమృత ఫలమా ! పరాశక్తి ప్రతిరూపపు ప్రకృతి వరమా !   ఏ పదముల నిను బొగడను ఇంతీ ! ఇల వెలసిన అమృత పూర్ణ స్రవంతీ ! నీవు లేక మగ జాతికి నిలువ నీడ లేదు నీవల్లే పురుషార్థపు పుణ్య ఫలము పొందు   నీ కడుపున ప్రభవించుటె నిజమని తెలియని మూర్ఖుడు నీ [...]

        వచ్చె నవ వత్సరమ్ము , కావచ్చు నిజము కాల గణనమ్ము దీనిలో ఘనత యేమి ? పేద శ్రీమంతు డగున ? దీపించి యెగసి బడుగు బతుకుల వెన్నెలల్ పరుగులిడున ? మనిషి స్వార్ధాన్ని కొంతైన మాను కొనున ? మనిషి మనిషిని దోచుట మాను కొనున ? మనిషి దుర్మార్గ వర్తన మాను కొనున ? మనిషి మనిషిని చంపుట మాను కొనున ? నేతలు వినీతులై తలరాత మారి దేశ ప్రజలకు శాంతి సందేశ మిడున ?

             హిత సమాజ నిర్మాణ బాథ్యత వహించి                 జనుల చైతన్య పరచు - విజ్ఞాన దాయ                 పోస్టులను వ్రాయు 'బ్లాగర్లు' మోదమంద                 నవ వసంత శుభాకాంక్ష లంద జేతు .                                                                         ----- సుజన-సృజన            

శేష నగము జేరి చెలు వార కొలువైన వేంకటేశ్వరుడవు వెలయ మాకు కలల పంటవైన యిల వేల్పు నీవెరా శ్రీని వాస సాయి ! శిరిడి రాజ ! తిరుమ లేశు నెదను దీటు గా కొలువైన అమ్మ- త్రిభువనాల కండ దండ పరమ సాధ్వి యైన పద్మావతియె నీవు శ్రీని వాస సాయి ! శిరిడి రాజ ! తాను విశ్వ మందు తన యందు విశ్వమ్ము " తామరాకు నీరు " తనరు భంగి వెలయు విష్ణు రూప ! విశ్వావనీ నాధ ! శ్రీని వాస సాయి ! శిరిడి రాజ ! [...]

                          నలు చెఱంగుల తెలుగుల నాల్క లందు                           తెలుగు వెలుగులు వెల్లువై – తెలుగు బాష                           తేజ రిల్లును గాత  !  సందియము లేదు ,                           మాతృ భాషకు వందన మాచ రింతు .             దక్షిణ భారతీయ భాషలలో తెలుగు మథురమైన భాష . సంస్కృతంతో మిక్కుటముగా మమేకమై తెలుగు దక్షిణాది భాషల కంటే విలక్షణమై భాసిల్లుతూ ఉంది .

                                                                                                                                                                ఒకప్పుడు విద్యాభ్యసనానికి ప్రభుత్వ పాఠశాలలే శర ణ్యం  .   సామాజిక అంతరాల హెచ్చుతగ్గులకు అస్కారంలేని చదువులుండేవి  . ధనవంతుడికొడుకైనా పేదవాడికొడుకైనా ఒకేపాఠశాలలోచదివేవారు.   దీనివల్ల అంతరాలలోకూడా సఖ్యత ఏర్పడి సామాజిక సమతుల్యతకు దోహదం

ఆమె ఘనత హిమవన్నగ ఉత్తుంగ గిరీశ శృంగ   ఆమె కీర్తి నిర్జర ఝరి ధవళ ఫేన దీప్తికి సరి   ఆమె వాక్కు వేదోపనిష దద్భుత సాహిత్య నికష   ఆమె యునికి ఉదధి త్రయ సంవలయిత రత్న గర్భ   భరతావని జనియించిన ప్రతి పౌరుని తనువంతా   ఆమె తలపు అణు వణువున ఆనందపు పులకింత   ఆమే నా జనయిత్రి అద్భుత భారత ధరిత్రి

మనదేశం – మనగీతం మనదేశం మనగీతం   మహనీయత చాటుదాం అడుగడుగున జాతీయత   అంతరాన నిలుపుదాం           // మన //   జన గణ మన పాడుదాం   జనయిత్రిని పొగుడుదాం వందే మాతర మందాం    వందనా లర్పిద్దాం                  // మన //   మహనీయుల జీవితాల   కథలు చదువుదాం మనసంతా దేశ భక్తి    మకరందం నింపుదాం                 // మన //   పౌరసత్వ బాధ్యతలను   పక్కాగా పాటిద్దాం

                                                    దీపావళి శుభాకాంక్షలు                                                 ఆరోగ్య దీపమ్ము హాయిగా వెలుగొంది భువికి మహాభాగ్య మొలయు గాత ! ఐశ్వర్య సందీప్తు లంత కంతకు హెచ్చి సిరులతో లోగిళ్ళు పొరలు గాత ! కోర్కెల దివ్వెలు క్రొత్త వెల్గులు దెచ్చి జీవన సౌఖ్యాలు చెలగు గాత ! విజయాల దీపాల వెల్గు వెల్లువ వచ్చి బ్రతుకులో

మంచేదో తెలుసు అయినా ఆచరించడానికి తగిన సత్య సంధత లేదు చెడేదో తెలుసు అయినా చెడుతో పోరాడడానికి తగిన మనో నిబ్బరం లేదు మోస మనీ తెలుసు అయినా నివారించడానికి తగిన నిబధ్ధత లేదు స్వార్థ మనీ తెలుసు అయినా విడనాడడానికి తగిన మానసిక సంసిధ్ధత లేదు బ్రమ యనీ తెలుసు అయినా బైట పడడానికి తగిన ధైర్యం లేదు హింస అనీ తెలుసు అయినా పరిహరించడానికి తగిన సౌమనస్యం లేదు [...]

తెలుగులో మాటాడు తెలుగు లోనె మాటాడు తెలుగు వాళ్ళందరితో తెలుగు తెలిసిన వారందరితో తెలుగు లోనె మాటాడు               // తెలుగులో //   ముగ్థ మోహన రూపు మురిపాల తెలుగు లిపి ముత్యాల సిరి పేర్చు ముగ్గులను తలపించు                 // తెలుగులో //   మురళీ రవం లాంటి మోహన గానాలు పల్కు  శబ్ద జాల మొలికించే  సంగీతపు సరిగమ సిరి                  // తెలుగులో //   దిగంతాల

కస్తూరీ తిలకం లలాట ఫలకే వక్షస్థలే కౌస్తుభంనాసాగ్రే నవమౌక్తికం కరతలే వేణుం కరే కంకణంసర్వాంగే హరిచందనం చ కలయం కంఠేచ ముక్తావళీగోపస్త్రీ పరివేష్టితో విజయతే గోపాల చూడామణీ శ్రీకృష్ణ కర్ణామృతం లోని పై సంస్కృత శ్లోకానికి నా తెలుగు పద్యం   శిరముపై కమనీయ శిఖి పింఛముల వాడు చెవుల కుండల దీప్తి చెలువు వాడు

కృష్ణుణ్ణి తలుస్తేనే – జగత్తంతా ‘ ఆడతనం ’ పరచు కొంటుంది . ‘ మథుర భక్తి ‘ మనోఙ్ఞమై విరుచు కుంటుంది . జగన్నాధుని ఆరాధనతో ‘ మనోనేత్రం’ తెరుచు కుంటుంది . కృష్ణుని పేరు వింటేనే – జగత్తుకు ‘ భగవద్గీత ’ విన్పిస్తుంది . ‘ అధర్మంపై ’ ధర్మ పోరాటం మొదలౌతుంది . ఆర్తులకు జగన్నాధుని ‘ ఆశ్రయం ’ లభిస్తుంది . కృష్ణుని రూప లావణ్యం చూస్తేనే – జగత్తులోని ‘ అందమంతా ’ [...]

రాజాధి రాజా శ్రీ యోగి రాజా శిరిడీ నివాసా శ్రీ సాయి రాజా     // రాజాధి // మదిలోన కొలువైన మామంచి దేవా చెవులకు యింపైన శుభ సాయి నామా  //రాజాధి // ఆపదల నున్నపుడు అండగా నిలిచావు ఆర్తిలో నున్నపుడు అక్కున జేర్చావు    // రాజాధి // బాధలందున్నపుడు ప్రక్కన నిలిచావు వేదనల నున్నపుడు ఆదుకున్నావు      // రాజాధి // గీతా చార్యుడై గురుడవై పొడసూపి సాకేత రాముడై సాయియై [...]

ఆ . వె .శిరిడి జేరు టెల్ల సిరులకు మార్గమ్ము సర్వ దు:ఖ హరము సర్వ శుభము నీదు దర్శనమ్ము నిత్య కళ్యాణమ్ము శ్రీనివాస సాయి ! శిరిడి రాజ ! ఆ.వె తనర నెవరి కైన ద్వారకా మాయిని జేరి నంత శాంతి చేరు వగును అరయ నార్తు డైన నిరుపేద కైనను శ్రీని వాస సాయి !శిరిడ రాజ ! ఆ . వె .పరమ పురుష ! నీవు భౌతిక దేహమ్ము వీడి వర సమాధి కూడి ఉన్న నాడు సైత మవని నప్రమత్తుండవే శ్రీనివాస సాయి ! శిరిడి [...]

“ ఏమ్మా ! లక్ష్మీ “  అన్నాడు పలకరింపుగా ప్రథానోపాధ్యాయుడు, వ్రాసుకొంటున్న వాడల్లా తల పైకెత్తి  గదిలోకి వచ్చిన లక్ష్మి నుద్దేశించి సమాధానంగా లక్ష్మి కళ్ళ నిండా నీళ్ళు                                                                 ****************** అది ప్రభుత్వ ఉన్నత పాఠశాల ప్రాంగణం . అందులోనే జూనియర్ కళాశాల కూడా నడుస్తోంది . అప్పుడు లక్ష్మి జూనియర్ ఇంటర్ . ఆ పాఠశాలలోనే పది చదివింది

    ఈ సుదీర్ఘ జీవన యాన కాల గమనంలో 61 వసంతాలు పూర్తయినవి . ఈ రోజే అరవై రెండో పడి లోకి అడుగిడడం . అందుకే వెనక్కు తిరిగి సింహావలోకనం చేసు కోవడం .      శైశవంలో , బాల్యంలో , యవ్వనంలో , నడి వయస్సులో ..... ఏర్పడిన సమస్యలూ – వాటిని అధిగమించడంలో జీవితం నేర్పిన పాఠాలూ – అనుభవాల తో జీవితం పండి పోయింది .         కుటుంబ జీవనం , లోటు పాట్లూ , భార్యా-బిడ్డలూ , వాళ్ళ బాధ్యతలూ – వ్యక్తిగత బాధ్యతగా [...]

మనుజ జన్మము ప్రాప్తించె మనకు సఖుడ ! మరల వచ్చుట కల్ల , యేమైన నేమి పూర్వ జన్మలును మరల బుట్టు కథలు తక్కి, నేటి జన్మమున సార్థకత గనుము చావు తరువాత నేవియున్ లేవు సఖుడ ! నీవు చేసిన మంచియే నిలిచి యుండు మంచి చెడ్డల మూల్య మిమ్మహిని గాక చచ్చి స్వర్గాని కేగు ముచ్చటలు విడుము తేర మాటల బుధుల వాతెరల కన్న చిన్న సాయమ్ము మిన్నయంచెరుగు మన్న! సమ సమాజమ్ము [...]

                విద్యా సదుపాయాల కల్పనలో ప్రభుత్వాల బాధ్యత గణనీయమైన ప్రాధాన్యత సంత రించు కొని ఉంది . జాతీయాదాయం లో అధిక శాతం విద్యా సదుపాయాల కోసంఖర్చు చేసే ప్రభుత్వాలు విజ్ఞ త గల ప్రభుత్వాలు .                 విద్యా వనరులు ఎక్కువగా ఉన్న దేశాల లోని ప్రజలు ఎక్కువ శాతం విద్యా వంతులౌ తారు . విద్యా వంతులున్న సమాజం లోని ప్రజలు తమ సమస్య లకు తామే చక్కని పరిష్కారాలు చూసుకో గల్గుతారు . [...]

నెల్లూరు సన్నబియ్యము జెల్ల పులస రాజమండ్రి చేపల పులుసున్ చల్లని మంజీర నీళ్లు చెల్లును పద్యపు రుచికర చెలువము తోడన్ ***** తెలుగు పద్యమెంత టేస్టు రా ! రుచి చూడు చెఱకు రసము కంటె , చెలియ కంటె , మల్లె విరుల కంటె , మనసైన పని కంటె భాగ్య నగరి లోని బ్రతుకు కంటె ***** పుట్టిల్లు తెలంగాణా , మెట్టిన పురి సింహ పురము , మిగిలిన చోట్లన్ పట్టము గట్టిరి తెలుగులు దిట్టగదా ! తెలుగు పద్య ధీర [...]