ఎండలు  విపరీతంగా  ఉన్నాయి.  ఎంత  వేడిగా  అంటే,  నీళ్ళకోసం  పంపు  తిప్పితే  చేయి  చురుక్కుమనేంతగా....     ఇలాంటప్పుడు  ఇళ్ళల్లో  పెంచుకునే  మొక్కలకు  నీరు  పోయాలంటే  ఎన్నో  జాగ్రత్తలు  తీసుకోవాలి.    వేసవికాలంలో  మొక్కలకు  నీరు  పోయాలంటే  ఉదయం  సూర్యుని  వేడి  పెరగకముందే  పోయాలి.  సాయంత్రం   వాతావరణం  కొంచెం  చల్లబడిన  తరువాత  పోయాలని పెద్దలు  తెలియజేసారు.     వేసవికాలంలో  [...]

ఓం వాసవీ  కన్యకా పరమేశ్వరీ  దేవి  జయంతి  సందర్భముగా శుభాకాంక్షలు.    వాసవి కన్యకా పరమేశ్వరీదేవినగరేశ్వర  స్వామి వార్లకు  వందనములు. అనఘాదేవీదత్తాత్రేయస్వామివార్లకు  వందనములు శ్రీ  పాద శ్రీ వల్లభస్వామి వారికి  వందనములు.శ్రీ  పాద శ్రీ వల్లభ సంపూర్ణ  చరితామృతము .... గ్రంధములో  వాసవీ  కన్యకా పరమేశ్వరీ దేవి  గురించి అనేక  వివరములున్నాయి.......................................... ఇంతకుముందు  ఒక  [...]

ఓంవ్యాసులవారు  జనమేజయునికి  తెలియజేసిన  కొన్ని  విషయాలు.. ఒకప్పుడు  ప్రహ్లాదుడు  భూలోకంలో  ఉన్న  తీర్ధాలను  గురించి  తెలియజెప్పమని  చ్యవనుని  అభ్యర్ధించాడు.చ్యవనుడు  అన్నాడు  కదా...హిరణ్యకశిపునందనా  ! మనోవాక్కాయాలను  శుద్ధిగా  ఉంచుకున్నవారికి  అడుగడుగునా  తీర్ధాలే.  మలినమనస్కులకు  గంగానది  సైతం  పాపపంకిలమే.   మనస్సు  పాపరహితంగా  పరిశుద్ధంగా  ఉంటేనే  ఏ  తీర్ధాలైనా  [...]

 ఓం శ్రీ  శంకర  జయంతి   సందర్భంగా  అందరికి  శుభాకాంక్షలు. ......................................................పాపాలు  చేసిన  వాళ్ళు   పాపపరిహారం  చేసుకున్నంత   మాత్రాన  పాపఫలితాలు  అనుభవించనక్కరలేదా  ?ఈ  విషయాల  గురించి  తోచినంతలో  ఏమనిపిస్తుందంటే......నిజమే  పాపపరిహారం  చేసుకోవటం  ద్వారా  పూర్వ  పాపఫలితాలను  తగ్గించుకోవటం,  నిర్మూలించుకోవటం   సాధ్యమే.  అయితే   చేసిన  పాపాలకు  పశ్చాత్తాపం 

 అక్షయ తృతీయ రోజున సింహాచలంలో చందనోత్సవాన్ని  చేస్తారు.   ఈ  రోజున మంచినీరు, గొడుగు, విసనకర్ర ...వంటివి   ఇతరులకు  దానం చేస్తే   మంచిదని  కూడా  పెద్దలు  తెలియజేసారు.  దానం చేయటం వల్ల దానం చేసినవారికి మంచి   జరుగుతుందని, ఆహారం, గృహం …వంటివి   కొరత లేకుండా లభిస్తాయని అంటారు.  అయితే   ఈ రోజుల్లో, దానం చేసే  ఆచారం  తగ్గిపోయి, ఎవరికి వారు  బంగారం కొనుక్కోవటం అనే ఆచారం మాత్రమే [...]

 ఒక  దగ్గరనుంచి  ఇంకొక  దగ్గరికి  వాహనాలలో   తరలించే  పశువులను  చాలామంది  చూసే  ఉంటారు.    కొద్ది  స్థలంలో  ఎక్కువ  సంఖ్యలో  పశువులను   కుక్కి  తరలించటాన్ని  నేను  చూశాను. కొన్నిసార్లు  ఆ ఇరుకు  వల్ల  తల  తిప్పటానికి  కూడా వాటికి  అవకాశం ఉండదు .   ఇలా  ప్రయాణం  చెయ్యాలంటే  ఎంతో  ఇబ్బంది  . వాటికి  ఇబ్బందిగా  ఉంటుందని  తెలిసినా  అలాగే  కుక్కి  పంపిస్తుంటారు.      ఇలాంటి  [...]

ఓం  శిరిడి  సాయిబాబా  జీవిత చరిత్రము  గ్రంధము  ద్వారా  తెలుసుకున్న   కొన్ని  విషయములు  ...దాము అన్నా(  సాయి  భక్తుడు  ) ఒక  బొంబాయి  స్నేహితుడొకడు  దాము అన్నాకు,  ప్రత్తిలో  జట్టీ  వ్యాపారము  చేసి  భాగస్తుడుగా  సుమారు  రెండు  లక్షల  రూపాయలు  లాభము  సంపాదించవలెనని  వ్రాసెను. వ్యాపారము  లాభకరమైనదనియు,  నెంతమాత్రము  ప్రమాదకరము  కాదనియు  ,  గనుక  అవకాశము  పోగొట్టకొనవలదనియు  [...]

  ఒకప్పుడు  ఈ  దేశం   ఎంతో  సిరిసంపదలతో  తులతూగేదని   అప్పటి   విదేశీ  యాత్రికులు  తమ  గ్రంధాల  ద్వారా  తెలియజేసారు.   మరి  ఇప్పుడు ..ఈ  దేశం  ఎందుకిలా   తయారయ్యిందో ? దేశంలో  ఎందరో  మేధావులు  ఉన్నారు.  ఎందరో  కష్టించి  పనిచేసేవాళ్ళు  ఉన్నారు. అపారమైన  ప్రకృతి  సంపదలున్నాయి.  జలజలపారే  జీవనదులెన్నో  ఉన్నాయి.   చక్కటి  సూర్యరశ్మి  ఉంది.   చక్కగా  జీవించటానికి  కావలసినవెన్నో  [...]

  శరీరానికి   ఏదైనా  గాయం   లేక  కురుపు  వచ్చి   నయమయే  సమయంలో  బాగా   దురదగా  అనిపిస్తుంది.   గోకాలనిపిస్తుంది.   గోకితే    కురుపు    పెద్దదవుతుందని ,   గోకవద్దని  పెద్దలు  హెచ్చరిస్తారు.  పెద్దవాళ్ళ  మాట   వినకుండా  గోకటం  మొదలుపెడితే  మొదట  ఉపశమనంగానే  అనిపిస్తుంది.    కొంచెం  సేపటికి  అసలు  కధ   మొదలవుతుంది.    విపరీతమైన  మంట,   నొప్పి.  అప్పుడు  తెలిసివస్తుంది.  [...]

ఓం    శ్రీ  దేవీ  భాగవతము  గ్రంధము ద్వారా   ...... యమధర్మరాజు  సత్యవంతుని  ప్రాణాలను  తీసుకుపోతుంటే  సావిత్రి  పతి  ప్రాణాల  కోసం  యముని  అర్ధించటం... సావిత్రిసత్యవంతుల   చరిత్ర   మొదలగు  విషయాల   గురించి  కూడా  తెలుసుకోవచ్చు.   యమధర్మరాజు  సావిత్రికి  ఎన్నో  విషయాలను  తెలియజేశారు.   పాపాత్ములు  అనుభవించే  శిక్షల  గురించి  కూడా  తెలియజేశారు.  పాపాత్ములు  అనుభవించే  శిక్షల  [...]

ఈ  బ్లాగ్ ను ప్రోత్సహిస్తున్న  అందరికి  అనేక  కృతజ్నతలండి .   .........................   ఈ  రోజుల్లో    సమాజం   అయోమయంగా  తయారయింది.   డబ్బు  సంపాదన  కోసం  తరతరాల  సంస్కృతి,  నైతికవిలువలు   నాశనమవుతున్నా  పట్టించుకోవటం  లేదు.   ఎన్నో  నేరాలు,  ఘోరాలు  జరుగుతున్నాయి .      నేరాలను  చేసిన  వారిపట్ల  కఠినమైన  శిక్షలు  ఉండటం  ఎంతో  అవసరం  . అయితే  నేరాలను  తగ్గించాలంటే,  చట్టంతో  పాటు  ప్రజల 

 కొంతకాలం  క్రిందట  మేము  మధురై  నుంచి  శ్రీ  విల్లిపుత్తూరు  బస్సులో  వెళ్తుంటే  ఎండ  ఎక్కువగా   ఉంది.   దాహం  అనిపించింది.  బస్సు  వెళ్తుంటే   ప్రక్కనుంచి   పొలాలు,  ఖాళీ స్థలాలు   ఎన్నో  కనిపిస్తుంటాయి. దారి  ప్రక్కన  ఎన్నో  మొక్కలు  ఎండకు  వడిలిపోయి  ఉన్నాయి.   అప్పుడు  ఏమనిపించిందంటే   మనుషులకు  దాహం   వేస్తే  నీటిని  త్రాగటానికి  ఎన్నో  సదుపాయాలు  ఉంటాయి.  [...]

ఓంమణిద్వీప  వర్ణన. 1. మహాశక్తి  మణిద్వీప నివాసిని ముల్లోకాలకు  మూల  ప్రకాశినిమణిద్వీపములో  మంత్రరూపిణి  మన మనస్సులలో కొలువైయింది 2.సుగంధ పుష్పాలెన్నో వేలు  అనంత సుందర  సువర్ణపూలుఅచంచలంబగు  మనో సుఖాలు మణిద్వీపానికి  మహానిధులు 3.లక్షల  లక్షల  లావణ్యాలు  అక్షరలక్షల  వాక్  సంపదలులక్షల లక్షల  లక్ష్మీపతులు  మణిద్వీపానికి  మహానిధులు 4. పారిజాత  వన  సౌగంధాలు  సురాధినాధుల  [...]

దైవ స్తోత్రాలు , మంత్రాలు  వంటివాటిని   పుస్తకాల్లో  ముద్రించేటప్పుడు  కొన్నిసార్లు   అచ్చుతప్పులు  వస్తున్నాయి.   కొన్ని  పాత  పుస్తకాల్లో   అయితే   తప్పుగా  ముద్రించిన  అక్షరాలను  గుర్తించి  పుస్తకానికి  చివరిలో  సూచించేవారు.    ఇలా  సూచన  ద్వారా  తెలియజేస్తే  పాఠకులకు  తప్పులను  సరిదిద్దుకోవటానికి  అవకాశం  ఉంటుంది.    ఒకే శ్లోకం ఒక పుస్తకంలో ఒక రకంగా ఉంటే , [...]

 ఓం.శ్రీరామరామరామేతి  రమేరామే  మనోరమేసహస్రనామతత్తుల్యం  రామనామ  వరాననే ............................ సీతారాముల వార్లకు అనేక నమస్కారములు. ఊర్మిళాలక్ష్మణుల వార్లకు అనేక నమస్కారములు. ..........................  శ్రీ  సీతారామ  స్తోత్రము.అయోధ్యాపుర నేతారం మిధిలాపుర నాయికాంరాఘవాణా మలంకారం వై దేహానా  మలంక్రియాం      1రఘూణాం  కులదీపం చ నిమీనాం  కులదీపికాంసూర్యవంశసముద్భూతం  సోమవంశసముద్భవాం   

ఓం ఏకశ్లోకి  మహాభారతము. ఆదౌ  పాండవ  ధార్తరాష్ట్ర  జననం..లాక్షాగృహేదాహనం ద్యూత స్త్రీ హరణం..వనేవిహరణం..మాత్స్యాలయేవర్తనం లీలాగోగ్రహణం..రణేచేవిజయం..సంధిక్రియా  జృంభణం పశ్చాద్భీష్మసుయోదది  నాది  హననం  యేతన్మహాభారత్ ..................  ఏకశ్లోకి  భగవద్గీతఓం  యత్రయోగేశ్వరః కృష్ణో యత్ర పార్ధో ధనుర్ధరః తత్ర  శ్రీర్విజయో భూతిర్ధ్రువా  నీతిర్మతిర్మమ.  ......................... పార్ధాయ ప్రతి  [...]

ఓం ఏకశ్లోకి  భాగవతము. ఆదౌ దేవకి దేవి  గర్భ  జననం .... గోపీగృహే  వర్ధనం మాయాపూతన  జీవితాపహరణం....గోవర్ధనోద్ధారణం కంసచ్చేదన  కౌరవాదిహననం....కుంతీసుతాన్   పాలనం యేతత్భాగవతం  పురాణకధితం  శ్రీకృష్ణలీలామృతం. ................. మా ఇంట్లో ఉన్న ఒక పుస్తకంలో వ్రాసి ఉన్నదాన్ని బట్టి ఇక్కడ వ్రాసాను.  ..............  నాకు వ్యాకరణం గురించి అంతగా తెలియదు.  అచ్చుతప్పుల  వంటివి  ఉన్నచో  దయచేసి  [...]

ఓం ఏకశ్లోకి  రామాయణము. ఆదౌరామ తపోవనాది గమనం.....హత్వామృగం కాంచనం వైదేహీ హరణం...జటాయుమరణం....సుగ్రీవసంభాషణం వాలీ నిగ్రహణం.....సముద్రతరణం....లంకాపురీ దాహనం పశ్చాద్రావణ కుంభకర్ణ హననం....యే తత్ఇతి రామాయణం..........................................  అచ్చుతప్పుల  వంటివి  ఉన్నచో  దయచేసి  క్షమించమని  దైవాన్ని  ప్రార్ధిస్తున్నాను.

ఓం. శ్రీ విజయ నామ సంవత్సరపు  ఆగమనము సందర్భముగా  అందరికీ  శుభాకాంక్షలండి.శ్రీ  అనఘాదేవీ శ్రీ  దత్తాత్రేయస్వామి  వార్లకు  నమస్కారములు. శ్రీపాద  శ్రీవల్లభస్వామివారికి  నమస్కారములు.     దిగంబర  !  దిగంబర !!  శ్రీ  పాదవల్లభ  దిగంబర !!!                శ్రీ  పాదరాజం  శరణం  ప్రపద్యే .        శ్రీపాద శ్రీ వల్లభస్వామివారి  దివ్య  సిద్ధమంగళ  స్తోత్రము  ఎంతో  శక్తివంతమైనది.    శ్రీపాద [...]

ఇప్పుడు  సమాజంలో  ఎన్నో  సమస్యలు  ఉన్నాయి...వాటిలో  కొన్నింటిని  గమనిస్తే,ఫ్లోరైడ్   నీటివాడకం  వల్ల  ఎందరో  ప్రజలు  విపరీతమైన  అనారోగ్య  సమస్యలతో  బాధలు  పడుతున్నారు. ఫ్లోరైడ్  నీటితో   పెరిగే  మొక్కల  ద్వారా  లభించే  ఆహారాన్ని  తిన్నా  వ్యాధులు  వస్తాయని  కొందరు  అంటున్నారు.  అయితే  ఇప్పటికిప్పుడు  మొత్తం  చెరువులను,  కుంటలను  శుద్ధి  చేయటం  కష్టమైన  పని  కదా  !    [...]

 ఆయుర్వేదం,  హోమియో,  అల్లోపతి  అన్ని  వైద్యాలు  గొప్పవే.  ఈ  మధ్య  అన్ని  రకాల వైద్య విధానాలు   ఒకే  ఆవరణలో  అందుబాటులో  ఉండేటట్లు  కొత్తరకం  హాస్పిటల్స్   ఏర్పాటుచేస్తున్నారు. ఇది  ఎంతో  మంచిపరిణామం.  మాకు  అన్ని  రకాల  వైద్య  విధానాల  పట్ల   గౌరవం  ఉంది. మేము  అవసరాన్ని  బట్టి  అన్ని  రకాల  వైద్య  విధానాలను  వాడతాము.   .................... ప్రత్యక్షంగా   వైద్యాన్ని  చేసే  [...]

నాకు  చిన్నప్పుడు  టాన్సిల్స్ వల్ల  చాలా  ఇబ్బందిగా  ఉండేది. టాన్సిల్స్ వల్ల  గొంతులో  చాలా  నొప్పి,   జ్వరం  వచ్చేవి. అల్లోపతి   మందులు  వాడాము  .  వాటివల్ల  తాత్కాలికంగా   రిలీఫ్ గా   అనిపించినా  మళ్ళీ  నొప్పి  వచ్చేది.   డాక్టర్ గారిని  అడిగితే    టాన్సిల్స్  ఆపరేషన్  చేయటం   ఒక్కటే  మార్గం .  అని  చెప్పారు.  ఇక  చేసేదేమీ  లేక   ఏడవతరగతి  పరీక్షలు  అయిన  తరువాత  సెలవల్లో  [...]

ఈస్టర్  శుభాకాంక్షలండి...............................  చాలామందికి  లాగే  నాకు  కూడా   చెట్లు,  మొక్కలంటే  చాలా  ఇష్టం.    మొక్కలు,  చెట్లు    మధ్య  తిరుగుతుంటే  చాలా  బాగుంటుంది.   చెట్లను,  మొక్కలను  పరిశీలిస్తే  ఎంతో  ఆశ్చర్యంగా  ఉంటుంది. ఉదా.. మర్రి  చెట్టుకు    ఊడలు  ఉంటాయి    రావి  చెట్టు    కొమ్మలకు  అక్కడక్కడ   వేర్లు    ఉంటాయి.    ఉదా..  నీటిలో  పెరిగే  తామరమొక్కల  ఆకులు   చిత్రమైన

దైవానికి  వందనములు.  అందరికి  హోలి  శుభాకాంక్షలు. ఈ  టపాలో   కాన్సర్ ను  తగ్గించే  లక్షణాలు  ఉన్న ఒక   పండును  గురించి  చెప్పుకుందాము..  ఈ  పండును   లక్ష్మణ  ఫలం  లేక  హనుమంతుని  ఫలం  అంటారట.  ఈ  లక్ష్మణ  ఫలానికి  కాన్సర్  రోగాన్ని  తగ్గించే  లక్షణాలు  ఉన్నాయట. ఈ  పండుకు  ఎన్నో  రోగాలను  తగ్గించే  ఔషధగుణాలు  ఉన్నాయట. ఈ  పండును  ఇంగ్లీష్  లో  Soursop fruit    అంటారట. హనుమంతుని ఫలం - [...]

సాయిసాయి,  మేము  ఉంటున్న  ఊరిలో  కొంతకాలం  క్రిందట ,  కొందరు  భక్తులు  షిరిడి  సాయి  బాబా  లీలల  గురించి   వివరించే  సభను  ఏర్పాటు  చేసారు.   వారి  ప్రసంగాలను  వినటానికి   నేను,  మాకు  తెలిసిన  ఒకామెతో  కలిసి  వెళ్ళాను.  ఆరుబయట  గ్రౌండ్  విశాలంగా  ఉంది.  భక్తులు  పెద్దసంఖ్యలో  హాజరయ్యారు.   భక్తులు  ఇళ్ళకు  వెళ్ళేటప్పుడు  ప్రసాదాన్ని  స్వీకరించి  వెళ్ళమని  సభలో  [...]