బంధానికి విలువిస్తావని బాధ్యతలను పంచుకుంటావని నమ్మిన నాటి నమ్మకం నడిచింది నీతో జతగా అయినవారిని కాదని మాటల చాటున మాయను అంతరంగపు అడ్డగోలుతనంతో అహం చిమ్మిన క్రోధానికి అమ్మతనం ఆక్రోశిస్తూ బిడ్డలకై బానిసగా మారి బతుకు భారాన్ని మెాస్తుంటే అడుగడుగునా ఛీత్కారాలను ఆభరణమైన చిరునవ్వులో దాచేస్తూ నడి బజారులో నవ్వులపాలైనా కన్నీటికి తావీయక కలలను కలతలతో [...]
బంధాలను తెంచుకుని బాధ్యతలను వదిలించుకుని పాశాలన్నింటికీ దూరమైపోతూ మాటలు అరుపులు ఆక్రోశాలు మతాలు కులాలు కుతంత్రాలకతీతంగా శవ రాజకీయాలకు తావీయవద్దంటూ రాక్షసత్వానికి పరాకాష్ఠగా రాతిబొమ్మలే సాక్ష్యాలుగా మిగిలితే కన్నీరు సైతం  కంటతడి పెట్టిన వైనం ఎక్కడికో ప్రయాణమై వెళుతున్నట్లు పార్థివ శరీరం బయలుదేరింది అంతిమ సంస్కారం కోసం మరో ఆశ్రయానికై [...]
నేస్తం,            నమ్మిన దేవుడు ఎవరికైనా ఒకటే.  విలువలు,  మానవత్వం లేనిది మనిషిగా పుట్టిన మనకు.  దేవుడికి విలువ లేకపోవడం ఏంటో నాకర్ధం కావడం లేదు.  తప్పు ఎవరు చేసినా క్షమార్హులు కాదు అది ఏ మతము వారైనా, ఏ కులము వారైనా.  ఏ మతమూ తప్పు చేయమని చెప్పదు.  తప్పొప్పులు చేసేది మనిషి మాత్రమే. తప్పును ఖండించండి,  సాటి మనిషిగా మానవత్వం చూపండి. అంతే కాని మతాలకు,  దేవుళ్ళకు విలువలు లేవని [...]
నేస్తం,         సినిమాల్లో పల్లెటూరు చూసి,  పల్లెటూరి అమ్మాయి వేష భాషలు చూసి మనకు తెగ నచ్చేస్తుంటాయి. అదే నిజ జీవితంలో వాళ్ళని ఎంత చిన్నచూపు చూస్తామెా మనకు తెలియని కాదు.  రంగస్థలంలో కాని,  ఫిదాలో కాని మరేదైనా సినిమాలో కాని ఎంతగానో  మనకు నచ్చిన సన్నివేశాలు,  ప్రదేశాలు, వేష భాషలు,  పల్లెటూరి అమ్మాయిలు..... నిజంగా మనకు నచ్చినట్టేనా అని నాకో చిన్న అనుమానం మాత్రమే....😊
నేస్తం,          మనం చేసే పూజలు, చెప్పే నీతులు ఎంత వరకు మనం పాటిస్తున్నామో ఒక్కసారయినా ఆలోచిస్తున్నామా. మనం ఒకరికి ఏమి ఇవ్వనప్పుడు వాళ్ళు మనకి అన్ని చేయాలని ఎలా అనుకుంటాం. శ్రీరంగ నీతులు వల్లిస్తూ దేవుడికి సేవలు చేసేస్తే సరిపోదు. మనం ఎంత వరకు నిజాయితీగా ఉంటున్నామన్నది ముఖ్యం. ఇంట్లో వాళ్ళని పట్టించుకోకుండా జనాల క్షేమ సమాచారాలు కనుక్కుంటుంటే సరిపోదు. నమ్మిన వాళ్ళని [...]
నేస్తాలు,              నా రాతలకు, నా వ్యక్తిగత జీవితానికి ఎటువంటి సంబంధమూ లేదు. ఎవరి భావనైనా చూసినప్పుడు నాకనిపించింది భావాన్ని అది నాదే అన్నట్లుగా అక్షరాల్లో అమర్చడం లేదా ఏదైనా సంఘటనను చూసినప్పుడు నాకు అనిపించిన అనుభూతిని అక్షరాలతో పంచుకోవడం చేస్తున్నాను. దీనికి నేనేదో బాధలో ఉన్నాననో లేదా మరొకటో అనుకోవడం మీకు తగదు. రాసె ప్రతి అక్షరం మనసు నుంచి వచ్చేదే కాని దానికి [...]
నా కవితను ప్రచురించిన గోదావరి యాజమాన్యానికి, అర్ధవంతమైన చిత్రాన్ని జత చేసిన కత్తిమండ ప్రతాప్ గారికి నా మన:పూర్వక ధన్యవాదాలు... శూన్యం చుట్టమై చేరుతూ పలకరించని మౌనాల నడుమ దగ్గర కాలేని బాంధవ్యాలను మాటలు కరవైన మనసుల మధ్యన అంపశయ్యల పంపకాల అవకతవకల్లో భరోసానివ్వలేని బతుకు భయంలో చీకటి చుక్కల చీరను చుట్టుకున్న అమ్మదనం ఆర్తనాదాన్ని వింటూ దిగులు దుప్పటిని [...]
 మహిది అలి గారు వెలువరిస్తున్న కవితా సంపుటి "నాలోని నువ్వు " కు ముందుగా శుభాభినందనలు. ముఖ పుస్తక పరిచయమే అయినా మనసున్న మహోన్నత వ్యకిత్వం ఆలి గారిది. కవితలు, కథలుగా తన  భావాలను చదువరులకు పరిచయం చేస్తూ, సమయానుకూలంగా ప్రతి ఒక్కరికి తనదైన శైలిలో స్పందించడం వారి ఉన్నతమైన మనసుకు తార్కాణం. ఎప్పటినుంచో సాహిత్యంలో, రచనా వ్యాసంగంలో నిష్ణాతులయినా నిగర్విగానే మాకు [...]
                                                                          అమ్మమ్మ ఊరు అనగానే ముందు గుర్తుకు వచ్చేది మన పుట్టుక. అమ్మని కన్న అమ్మ చేతిలో మొదటగా కళ్ళు తెరిచిన ఆ క్షణాలు మనకు గుర్తు లేకపోయినా అప్పటి తరాలకు తీపి గురుతులే. ఇప్పటిలా ఆసుపత్రుల్లో పురుళ్ళు పోసుకోవడాలు ఆ కాలంలో లేవు. అమ్మమ్మలు, జేజేమ్మల చేతుల మీదుగా పురుళ్ళు జరిగేవి. ఇప్పుడంతా కార్పొరేట్ జననాలు మాత్రమే చూస్తున్నాం.
నేస్తం,          చావు పుట్టుకలు ఎంత సహజమో ఈనాటి సమాజ పరిస్థితులు చెప్తున్నాయి. నిశ్చల స్థితో, నిర్వికారమో తెలియని అయోమయంలో మౌనమే సమాధానమైంది ఎన్నో ప్రశ్నలకి. దగ్గర బంధుత్వాలు కూడా చావుని దూరంగానే చూస్తూ చోద్యం చూస్తుంటే ఆ బాధని చెప్పలేని అశక్తత ఇలా అక్షరాల్లో ఒదిగిపోతోందేమో. నీతి, న్యాయం, దైవం, భక్తి అంటూ నిత్యం మనం వల్లె వేసే భజనలు, సూక్తులు ఎటు పోతున్నాయో కూడా అర్ధం [...]
బి వి శివ ప్రసాద్ "రెక్కలు కావాలి" కవితా సంపుటిలో అభిలాషలో వృత్తిని, ప్రవృత్తిని కాసేపయినా హత్తుకోవడంలో నా నుంచి మనంలోనికి, గతంలోకి అప్పుడప్పుడు ప్రయాణించడానికి కోరిక ఆవశ్యకతను వినిపించారు. ఆ రోజు రావాలి అంటూ కవిత్వాన్ని కూడా ఒక వృత్తిగా గుర్తించాలని ఓ కొత్త కవి హృదయాన్ని మనకు చూపించారు. తన తన బిడ్డల అవసరాలన్నీ అడగకుండానే చూసుకునే శ్రీమతికి బహుమతిగా [...]
రాజకీయ చదరంగంలో కార్పొరేట్ కట్టుబాట్లలో కులాల కుమ్ములాట్లలో కల్తీ విత్తుల మాయలో సబ్సిడీ ఎరువుల మత్తులో ఋణాల సుడిగుండంలో ఆకాశాన్నంటే కూలి కొట్టంలో ఆకలి తీర్చే వ్యవసాయ పంటల కోసం అందీ అందని నీటి 'అ'సౌకర్యాల నడుమ బాలారిష్టాలు దాటినా అదును పదును లేని అకాల వర్షాలతో అరకొరగా చేతికందిన పంటకు గిట్టుబాటు ధర కరవై బీడుబారిన భూమిని చూస్తూ చిన్నబోయిన గూడుని [...]
నేస్తం,         కొన్ని జీవాలను మనం లెక్కలోనికి తీసుకొనక పోయినా అసలు పేరుతో కాకుండా నకిలీ ఐడిలతో  మన వెంటే పడుతూ...పిల్లి కళ్ళు మూసుకుని పాలు తాగుతూ తననెవరూ చూడటం లేదని తృప్తి పడుతున్న చందానా  బతికేస్తున్నారు.  కొన్ని రోజుల క్రిందటే నేను జనాభా లెక్కల్లోనుండి తీసేసినా రామేశ్వరం వెళ్ళినా శనేశ్వరం తప్పడం లేదు అన్నట్లుంది.  నా జోలికి వస్తే వదిలేస్తాను కాని నా అన్న వాళ్ళ [...]
          వనజ వనమాలి బ్లాగర్ గా అందరికి సుపరిచితులైన తాతినేని వనజ కథల సంకలం "రాయికి నోరొస్తే"లో కథలను చదువుతుంటే ఆ పేరెందుకు పెట్టారో అర్ధం అయ్యింది. తన చుట్టూ ఉన్న సమాజంలోని కష్టాలు, కన్నీళ్లు చూసి రాయిలా మారిన మనసుకి మాటలొస్తే అచ్ఛం ఈ రాయికి నోరొస్తే కథల్లోని పాత్రలే మన నిజ జీవితంలోని మన అనుభవాలే అనిపించక మానవు.          ఇక కథల్లోని వెళితే ఆనవాలు కథలోని పేరు కూడా [...]
ఉషస్సుల ఉగాది పయనమౌతోంది వసంతాల సంతసాలను మనకందించ మరలిపోయిన సుఖ దుఃఖాల మరపుల్లో క్రొంగొత్త ఆశల కొత్త కాంతులకై అరుదెంచిన ఆనందాలహేలల సందడిలో కొత్త పాటను నేర్చిన కోయిలమ్మ రాగాల సడిలో మావి చివురుల వగరు ఆస్వాదనలో తీపి చేదు పులుపు కారాల వంటి షడ్రుచుల సమ్మేళనంలో వేదనాదాల నడుమ పుణ్యమూర్తుల పంచాంగ శ్రవణ ఆశీస్సులతో విందు భోజనాల విస్తరిగా వడ్డించిన జీవితం మరో [...]
                మన అందరికి తెలిసిన ఏడురంగుల ఇంద్రధనస్సే కాకుండా ఎనిమిదో రంగును మనకు పరిచయం చేయడానికి అనిల్ డ్యాని తన కవితలతో మన ముందుకు వచ్చేసారు. ముఖ చిత్రంలోనే ఆ రంగు ఏమిటన్నది చెప్పకనే చెప్పేసారు. యథాలాపంగా చెప్పడం మొదలు పెట్టినా సమాజపు తీరు తెన్నులు ఏమిటనేది ఈరోజు గాయపడ్డ సూరీడుతో రేపటి ప్రభాతమైనా ఆంక్షలు లేకుండా రావాలన్న కాంక్షని, ధర్మస్థలిలో వెలివాడల ఒంటరి కేకల [...]
నేస్తం,         నాలుగు తరాల అనుభవాలను అందిపుచ్చుకున్న జీవితం కాసిన్ని అనుభూతులను పంచుకోమంటూ ఆహ్వానిస్తోంది. వడ్లు దంపుకు తిన్న ఆ రోజుల అనుభవాలు, గొప్పగా బ్రతకకపోయినా గుంభనంగా గుట్టువిప్పని అనుభూతులను, పంచుకున్న తాయిలాలను, పట్టుపరుపుల మీద పడుకోకున్నా పండువెన్నెల్లో పంచుకున్న బంధాలను, కష్టం వస్తే కలిసికట్టుగా పెనవేసుకున్న అనురాగాలను ఇలా ఎన్నెన్నో ఆనాటి [...]
అంతర్యుద్ధమే అనునిత్యము అలవికాని ఆశల ఆరాటాలకు అర్ధం లేని అనుబంధాలకు నడుమ వెసులుబాటు లేని వ్యాపకాల వ్యామెాహానికి లోనైన మనసుల నిర్వికార వాంఛల నిరోమయాలు కన్నీళ్లకు కట్టుబడని వేదనలను నేలరాలుతున్న జీవితాల రోదనలను అక్షరాలకు పరిమితం చేస్తున్న భావాలు సమాధాన పరిచే వెదుకులాటను వెంటబడుతూ వేధిస్తున్నా వెతలకతలను అంతం చేసే ఆయుధ కర్మాగారమెక్కడని...!!
మాటలు రాని మౌనానికి మార్గ నిర్దేశనం చేసే గురువేమెా ఓడిన ప్రతిసారి బుజ్జగించే అమ్మ ఒడి సేదదీర్పేమెా జ్ఞాపకాలను గుట్టుగా దాచిన పాతకాలపు భోషాణపు పెట్టేమెా కాలంతో పోటి పడుతూ క్షణాలతో పరుగులు పట్టే గమనమేమెా చీకటింటికి ఓదార్పుగా చేరిన కలలను దాచే వెన్నెల కలశమేమెా నాతో చేరి ముచ్చట్లాడుతూ ఆత్మబంధమై మిగిలిన నేనేనేమెా..!!
నేస్తం,          స్నేహం అంటే ఓ ఆత్మానుబంధపు చుట్టరికం. ఈ వర్చ్యువల్ ప్రపంచంలో స్నేహం అంటే చాలావరకు అవసరార్ధం అనుబంధమై పోయింది. ఎదుటివారు మనకు నచ్చినట్లు ఉండాలనుకోవడం, మనం చెప్పినట్లు వినాలనుకోవడం సంస్కారం అనిపించుకోదు. ఎవరి అభిప్రాయాలు వారికి ఉంటాయి. విలువ ఇచ్చిపుచ్చుకోవడం తెలిస్తేనే ఏ బంధమైనా కలకాలం నిలబడుతుంది. అది స్నేహం కావచ్చు, ప్రేమ, పెళ్లి ఏదైనా కావచ్చు [...]
ఏ చరిత్ర చూసినా ఏమున్నది గర్వకారణం నరజాతి చరిత్ర సమస్తం పరపీడన పరాయణత్వం అన్న మాటలు ఎంత నిజంగా నిజమెా మరోసారి  ఋజువైంది. చరిత్ర పునరావృతమైంది. శ్రీ శ్రీ గారు మళ్ళీ మీరే గెలిచారు.
ఆరాధించాలనిపించే అందమైన ఆహార్యం మాటలు నేర్చిన మనసులు దోచే ముగ్ధత్వం కల'వరాలను' కలత పరిచే కనికట్టు ఆమె సొంతం గుండె నిండుగా మిగిలిపోయే చివురాకుల సున్నితత్వం నిత్య యవ్వనిగా జీవించాలన్న ఆరాటం కోరికల కొలిమిలో కాలిపోయిన కాంక్షల వలయం వెరసి ముగిసిన మరో సినీ విచిత్రం ముట్టుకుంటే పగిలిపోయే గాజుబొమ్మ జీవితం...!!
పేజీ :    తరువాత >  

తాజా వ్యాఖ్యలు తొలి కాయితం Kinige
Custom Search
జల్లెడ గురించి సహాయం

నా ఇష్టాలకు కలుపు | ©2008 జల్లెడ.కామ్ | అభిరుచులు