జల్లెడ - బ్లాగులను జల్లించండి One Stop For Telugu Blogs బ్లాగు మౌక్తికం నుండి టపాలు 
రాష్ట్ర మందు గల్గు ప్రజలందరి చూపుమెరుగుపరిచి, ఎంతొ మేలు గూర్చు"కంటి వెలుగు" పథక కర్తకు జోహారు!ముఖ్యమంత్రి దెంత ముందు చూపు!!
కవిగా నా తొలి నాళ్ళలో విరివిగా కారుణ్య ప్రోత్సాహ వైభవ తేజంబుల, సాహితీ మణులు - "సుబ్రహ్మణ్యము"న్, "పోతుకూచి" వరుండున్, ఘనుడైన"తిర్మల"యు నా శ్రేయంబుకై వ్యాపరింప, విభాసిల్లితి నే కవిత్వమున! ఆ ప్రాజ్ఞ త్రయిన్ గొల్చెదన్!  
పాద పాదమందు ప్రతిభ, వ్యుత్పత్తులున్ద్యోతకమగు రీతి - ఉల్లమందుఅమిత శ్రద్ధ గలిగి అభ్యాస మొనరింప,పట్టువడదె హృద్య పద్య విద్య? 
ప్రతి రోజు మన యింటి ప్రహరి గోడకు ముందు    వందల సైకిళ్ళు వచ్చియుంట -కుర్ర విద్యార్థులు కూడి, మీ రప్డు "ట్యూ    షన్లు" బోధింపగా, చదువుకొనుట -మూడు నెలలు గూడ ముగియటకు మునుపే    "స్వీటు బాక్సులు" తెచ్చి చేతికిడుట -"ఇంజినీరింగు"లో ఎంపికైతిమనుట;          "వైద్య శాస్త్రము సీటు" వచ్చెననుట -భక్తితో మీకు పాదాభివందన మిడవరుసలో వేచియుండెడు తెరగు జూచిబాల్యమున నాన్న! [...]
గంధవహుడు లేక కుసుమ గంధమునకువ్యాప్తి రాదు! సార్థక్య సంతృప్తి లేదు!కవుల ప్రతిభామయ కవితల్ గాంచి చదువుపాఠకులు లేనియెడ, కీర్తి ప్రాప్తి గాదు!!
గతమునకు విచారింపక గడుపవలయు!వర్తమానాన ధైర్యమ్ము వదలవలదు!భావియెడల నే మాత్రమ్ము భయము తగదు!జీవితమను శిల్పమునిటు చెక్కవలయు!!
భిన్నమైన రీతి యున్నాడ నేననినవ్వుచుందు రెల్ల నన్ను జూచి!ఒక్క రీతి ఎల్ల రున్నా రనుచు నేనుపగులబడి నగుదును వారి జూచి!!  (స్వామి వివేకానంద ప్రవచనానికి నాతెలుగు పద్య రూపం)
కొంచెపు బుద్ధితో ధనము గూర్చు విదేశ మతంపు ప్రేరణన్,ఇంచుక సిగ్గు లేక రచియించె - సమన్వయ సంఘమందునన్వంచన బూని ఒజ్జ, కుల వాదపు చిచ్చును రేపు పొత్తమున్!"కంచె"యె చేను మేసినది! కాసుల కమ్ముడుబోయె నక్కటా!
నాకే గాదు - సమస్తమౌ యువతకున్ నవ్యాంధ్ర సాహిత్య సత్ప్రాకారాంతరమందు జేరి నవ రక్తావేశులై కైతకున్శ్రీకారం బొనరింప, ప్రేమ నిడితో చేయూత! ఓ సాహితీలోకోద్ధారక! "పోతుకూచి" కవి! నీ లోటే గతిన్ తీరునో?ఇటీవల పరమపదించిన సాహితీ మూర్తి, "విశ్వ సాహితి" అధ్యక్షులు డా. పోతుకూచి సాంబశివరావు గారి మృతికి సంతాపంగా ...- డా. ఆచార్య ఫణీంద్ర  
సభను కూరుచుంటి శ్రద్ధాళువై నేనుహస్తములను మడచి, ఆలకింప -బడిని కూరుచుండు పసిబాలలను బోలి!నాకె ముద్దుగొలిపె నన్ను జూడ!!
లైఫ్ "సైకిల్"- "పద్య కళాప్రవీణ", " కవి దిగ్గజ"   డా. ఆచార్య ఫణీంద్రసైకిలు త్రొక్కలేక నొక చక్కని బైక్ కొని, కొన్ని నాళ్ళ కాబైకును మార్చి కారు కొని, భాగ్యము, సౌఖ్యము లింక నెక్కువై -నే కడు స్థూల కాయమున నేడ్చుచు వైద్యుని జేర - సూచనన్నాకిడె త్రొక్కుమం చనుదినమ్మును సైకిలు, లావు తగ్గగాన్!
వారు గణింపబోరు మిము వాస్తవమందున ముందు; మీరలున్వారికి ప్రశ్న వైచెదరు; వా రవమాన మొనర్త్రు; మీర లవ్వారిని పోరు సల్పి, తమ వక్రత నెల్లెడ చాటి, గెల్తురోయ్! వీర మహోద్యమంబు లెవి విశ్వమునందున జూడ నిట్టివే!! (తెలంగాణ రాష్ట్ర ఆవిర్భావ మహోత్సవాల సందర్భంగా ..) 
కొలను నీర మొకటె - కొనెడు పాత్రలు వేరు!ఎంత పాత్రయున్న నంత దక్కు!గురువు బోధ యొకటె - కొనెడు శిష్యులు వేరు!పాత్రతలను బట్టి పాఠమబ్బు!
ఎవడో "పేంటరు", "వైటు పేంటు" గొని తా నీ నేల "పేంటింగు" నేచివరల్ దా కొనరించె, మొత్త మెదియున్ చిత్రమ్ముగా కంటికిన్వివరం బన్నది నేర్వలేని యటులన్, విస్తారమై "తెల్ల"గా -నవలీల న్నొక రాత్రి యందె! కని, "ఆహా!" యంచు నే విస్తుబోన్!
లంకంత ఇల్లు గలిగిన,నింకెంతయొ ఆస్తి పాస్తు లెన్ని గలిగినన్ -అంకమున పౌత్రి గలుగగనంకించు మహానుభూతి కసమానంబౌ!
పులులు తామే తమ చరిత్ర పుస్తకములవ్రాసుకొననిచో - వెలయు ప్రపంచమందువేటగాళ్ళ ప్రశంసించు వీర గాథలెన్నొ! నిల్చు చరిత్రగా నింక నదియె!!
ఒకరి కారుణ్య మాశించుచుంటి వేని -అమ్ముకొన్నట్లు స్వాతంత్ర్య మతని కీవు!ఒకరిపై నీవు కారుణ్య మొలికిన యెడ -చేసికొన్నట్లు నీ రాజ్య సీమ వృద్ధి!!
విశ్వము నొక ప్రమిద యట్లు వెలయజేసి,సకల సాగర జలములే చమురు గాగ -ఆకసమె వత్తి యనగ, సూర్యాగ్ని తోడదీపము వెలిగించెద నీకు దేవదేవ!
జనుల విఘ్నాల తొలగింపు జమయు, ఖర్చుధీయుతుండై లిఖించు వినాయకుండు -కార్య నిర్వాహ రచనాధికారులకునుదీక్ష, విజయ సిద్ధిని ప్రసాదించు గాక!
కుడి వైపు నిలుచున్న గొప్ప వీరుని పైన    దాడిని గమనించు ధ్యాస లేదు!ఎడమ వైపున నున్న ఎత్తైన నరునిపై     దాడి జరుగ - నేను చూడ లేదు!     వెనుకున్న వానిని వెన్నుపోటు పొడువ -     నా కెందు కనుకొంటి నాదు మదిని!ముందున్న వ్యక్తిని మోదగా బండతో -     దాడిని ఆపి, కాపాడ లేదు!     మీద నూహించ లేదు - నా మీద కూడదాడి జరిగె - తప్పించుకోన్ దారి లేదు!చుట్టు ప్రక్క సాయంబుకై [...]
నిన్న వరకు కాస్త నిలిచియున్న ప్రాణమ్ము నేడు పూర్తి నాశమయ్యె!తాడి దన్ను నోటు తలదన్ను నోటు రాన్ -వేయి నోటు చిత్తు పేపరయ్యె!!
త్యాగరాజు మరల పుట్టి, ధరణి నెల్లస్వరగతుల సౌరభాలను సంతరించి,తరతరాల రసజ్ఞుల మురియజేసి -అరిగె "బాలమురళి"గ నే డమరపురికి!అపర త్యాగరాజుకు అశ్రునివాళిగా -డా. ఆచార్య ఫణీంద్ర 
కష్టము లవి యట్లె కలకాల ముండవు -అలల వోలె ఎగసి తొలగిపోవు!అవియె తొలగు పిదప, అనుభవాలుగ నిల్చు!!జీవితానుభవము చెరగిపోదు!!!
ఈర్ష్య, ద్వేషమ్ము, వెటకార, మీసడింపు -తోటివార నెట్టును నీకు దూరముగను!ప్రేమ, గౌరవ, మర్యాదల్  వెల్లివిరియ -చేరువౌదురు జనులు నీ చెంత జేరి!
నీరము పుట్టి విష్ణుపద నీరజయుగ్మమునందు గంగయై,పారుచు దేవలోకముల పావనమై, శివశీర్షమెక్కి తాజారి, ధరిత్రి సాగి పలు స్థానములందు జనోపయోగమై,చేరె సముద్ర గర్భమున కృష్ణయు, గౌతమి, నర్మదాదులై!
పేజీ :    తరువాత >  

తాజా వ్యాఖ్యలు తొలి కాయితం Kinige
Custom Search
జల్లెడ గురించి సహాయం

నా ఇష్టాలకు కలుపు | ©2008 జల్లెడ.కామ్ | అభిరుచులు