కౌముది లో ప్రచురింపబడుతున్న "గాలిసంకెళ్ళు" ఐదవ భాగం ఇదిగో..

"ఇంతుదయాన్నే లేచావేంటే! ఏ ఊరు పండిందో!" పింజె పెట్టిన చీర నీళ్ళలో ముంచి జాడిస్తున్నదల్లా తలెత్తి అడిగింది అమ్మ. మాట్లాడకుండా సందులో మూలనున్న రోలు మీద కూర్చుని బ్రష్ నోట్లోకి తోసాను. "మాయదారి అలవాట్లు! లేవే రోలు మీంచీ.. ఎన్ని సార్లు చెప్పాలి నీకు? పాతికేళ్ళొచ్చినా పెళ్ళవ్వట్లేదందుకే!" అమ్మ విదిలించిన నీళ్ళు మొహం మీద పడి చచ్చేంత చిరాకొచ్చింది. గయ్ మని ఒంటికాలిమీద [...]

కౌముది లో ప్రచురింపబడుతున్న "గాలిసంకెళ్ళు" నాల్గవభాగం ఇక్కడ

కౌముదిలో ప్రచురితమవుతున్న గాలిసంకెళ్ళు మూడవభాగం ఇదిగో..

"కోట ఎదురుగా ఉదయం తొమ్మిదింటికి కలుస్తాం. నువ్వేమో బస్సో, రైలో దిగి బయటికి వచ్చి అటువైపు వచ్చే ఆటో ఎక్కుతావ్.""ఊ..""కూరలమ్మే వాళ్ళ హడావిడి, వేసవి చిరచిర...""లాల్చీ చివర్లతో మొహం తుడుచుకుంటూ నేను.." నవ్వాడు."లాల్చీ? నువ్వు టీషర్ట్ వేసుకుంటావనుకున్నాను.""యంగ్ గా కనిపించాలనా? ఓకే ఓకే..""లాల్చీ బావుంటుందన్నానని కూరల మార్కెట్టుక్కూడానా..""నేను మీ ఊరొస్తున్నది కూరల [...]

కౌముదిలో ప్రచురితమవుతున్న గాలిసంకెళ్ళు రెండవ భాగం ఇదిగో..

అలివిని బలివి కొడితే బలివిని బ్రహ్మదేవుడు కొట్టాట్ట! "నా ఉదయపు కాఫీ కప్పునీ, అర్ధరాత్రి ముసుగేసుక్కూర్చుని చూసే కామెడీ సినిమానీ తప్ప దేన్నీ నేను సీరియస్ గా తీసుకోనండీ!" అని జోకాననుకుని ఎవరితోనో ఇలా ప్రగల్భాలు పోయానో లేదో, అలా ఠపీమని మొట్టికాయ తిన్నాను. అది నాకు కపాల మోక్షాన్నిచ్చినంత పనిచేసిన విధంబెట్టిదనినా.. మా ఇంటి పంచపట్టున గోడకి వేలాడే సన్మానపత్రం చాలా [...]

కౌముదిలో..  నేను రాస్తున్న "గాలిసంకెళ్ళు" ప్రచురితమవుతోంది. Happy New Year!

చిన్నమ్మా, వాచకాలలో నీతుల్ని వల్లిస్తూ దరిద్రంలో హరిద్రాశోభల్ని గుర్తిస్తూ ఓపిక లేని భార్యలకు సహనాన్ని బోధిస్తూ ధైర్యంలేని తమ స్వభావాన్ని ధర్మమని పిలుస్తూ బరువుగా బెదురుగా బతుకుతున్న వీళ్ళమధ్య డైనమేట్ పేలాలి డైనమోలు తిరగాలి పేలాయి డైనమేట్లు.. చాలా సార్లు! "సమాజం" ఎంత పెద్దపదమో! బరువుగా.. దినపత్రికల్లోనో, కవితల్లోనో, ఉపన్యాసాల్లోనో మాత్రమే ఇమిడే పదం. అక్కడ [...]

"ఇన్నాళ్ళకు ఓ జంట సఖ్యంగా మన కళ్ళబడింది. ఏ ఊరో పండిపోయి ఉంటుంది." సంబరంగా చెప్పింది శారిక. "అవునవును.. గువ్వల జంట కొమ్మ ఊయల మీద, పడుచు జంట ఉయ్యాల మీదా.. బాగు బాగు.." పొన్న చెట్టు  మీద నుంచి ఆ తోటలో సంజె చీకట్లు ముసురుకుంటున్న వేళ.. సరాగాలాడుతున్న ఆ ఇద్దరినీ తేరిపార చూసాడు గోరువంక. "అలా చూస్తావేం.. మన దృష్టే తగులుతుందేమో అన్నట్టున్నారిద్దరూ!" "ఓయబ్బో.. ఇన్నిరోజులూ [...]

గాలి గుసగుసలతో వలపు రహస్యాలను, ఎవరో వేణుకుంజాల సాయమడిగి వర్తమానం పంపిస్తున్నట్టూ  ఉండుండీ సన్నని సవ్వడి.  రాత్రి మహ మత్తుగా సాగుతోంది.  తొలిఝాము గడవబోతోంది. పాలకడలి  మరిగి నురుగులతో నేలను ముంచెత్తినట్టు తెలివెన్నెల!  మబ్బులు ఆ ధవళిమనద్దుకుని ఆకాశదేశాన కులుకుతూ విహరిస్తున్నాయి. కలువలరాయుడు విరగబూసిన తన చెలియల సుగంధానికి మతితప్పి మురుసుకుంటున్నాడు. కుటీరపు [...]

"ఓ గువ్వా, ఇక్కడేం చేస్తున్నావో.." పక్కన వచ్చివాలుతూ ప్రశ్నించాడు గొరవంక. "ష్.. గోల చెయ్యకూ.. నువ్వే చూడు." కవాటపు అంచు మీద కాస్త జరిగి పెనివిటికి చోటిచ్చింది శారిక. "ఎంత పెద్ద మంచమో!!" "మరి! ఈ పడకింటి సొగసుకే రెక్క కదపలేక ఆగిపోయాననుకో!" "ఇంత బ్రహ్మాండమైన చప్పరపు పాన్పు ఎక్కడా చూడలేదమ్మీ!" "సత్యం! అదొక్కటే కాదు. చూడు ఆ కొమ్మని" "ఎవరీ భామ!" "భామ అని చప్పగా అనేసి ఊరుకుంటావా! [...]

చిటచిటా మొదలయిన చిరు చినుకుల సందడి క్షణక్షణానికీ పెరిగేలా ఉంది. టపటపా రెక్కలు విదిలించుకుంటూ ఆ తోట మధ్యలో  తీర్చిన ముచ్చటైన బొమ్మరింటి చూరున చేరుదామని ఎగిరొచ్చాయి గోరువంకలు. కనుచూపుమేర చిక్కని చీకటి. ముసురు మేఘాలు కమ్మిన నింగి ఉండుండీ మెరుపుతీగల్ని విదిలిస్తోంది. ఉరుముల ధాటికి పిట్టా పురుగూ భయపడి గూళ్ళు చేరుకున్నాయి. చెంగలువలు తలలూచుతూ..  తటిల్లతల కాంతిలో [...]

వెన్నెలబాణాలు అమ్ములపొదిలో నింపుకుని, వెండిమబ్బుతేరుపై జైత్రయాత్రకు వచ్చిన కలువలరేడు ఆ ఉద్యానవనంలో తటాకం ఒడ్డున దిగులుగా కూర్చున్న ఓ వన్నెచిన్నెల ముద్దరాలిని చూసి ఉలిక్కిపడ్డాడు. "ఈ తెలిదమ్మి ఇంకా వికసించే ఉందే! ఇది తన పరాక్రమానికి చెడ్డపేర"ని భావించాడు. వెన్నెల తూపులతో దాడిచేయనారంభించాడు. ఒక్క సారిగా తోటంతా పరుచుకున్న చంద్రికలను చూసి నెవ్వెరపోయిందామె. [...]

"ఇంకా రారేమే..?" నికుంజం వెలుపలికి తొంగి చూస్తూ, సరిగంచు చీర కొస వేలికి ముడివేసి విప్పుతూ చెలిని వందో సారి అడిగిందామె. "వస్తారు సఖీ! ఎన్ని రాచకార్యాలూ.. చక్కబెట్టుకుని రావద్దూ?" సహనంతో వందోసారి సమాధానం చెప్పింది చెలికత్తె.                                                                                            *** "ఏం రావడమో ఏమో. నాకు విసుగొస్తోంది." శారిక పెనివిటిని ముక్కుతో పొడుస్తూ

జాము రాతిరి వేళ ఆ మిద్దెటింటి అరుగు మీదకి, కడియాలు వింత చప్పుడు చేస్తుండగా తాపీగా నడిచి వస్తున్న ఆమెను చూసి, "ఈమేనా?" అని అడిగింది శారిక. ఆ ఇంటి తోటలో చిక్కగా అల్లుకున్న పొదరింట అమర్చిన తిన్నె మీద వాలి ఉన్నాయా గొరవంకలు. "కనబడడం లేదా ఏం? చెలికత్తె నీకు యజమానురాలి వలే కనిపిస్తోందటే.. నీ అమరత్వం అటకెక్కిందన్నమాటే! నిజం చెప్పూ.. కళ్ళు ఆనుతున్నాయా?" "అబ్బ.. పరాగ్గా చూసానూ. [...]

మునిమాపువేళలు మహచక్కనైనవి. అందమైన రోజుకి ముక్తాయింపు సాంధ్యరాగాలతో ఇవ్వబూనిన సృష్టికర్త ఎంత నేర్పరి! నారింజవెలుగుల పడుగుకి నీలవర్ణపు పేక కలనేసి, అక్కడక్కడా మినుకు చుక్కల బుటాలు అద్దినట్టున్న సంజె చీర చాటున భూమీ ఆకాశం పెనవేసుకోబోతున్నట్టున్నాయి. ఆ వర్ణచిత్రం ఎంత మనోహరంగా ఉన్నా దానికి నిండు తెచ్చేదైతే ములుగఱ్ఱ చేతపట్టి, మందలను అదలిస్తూ ఇల్లు చేరేందుకు [...]

ఊఁ.. రిక్షా ఎక్కి సర్దుకు కూర్చున్నారా..? పదండి.  రివ్వురివ్వున పరుగులు తీస్తూ కోట దాటి, డెంకేషావలీబాబా మసీదు దగ్గర కుడి వైపు డౌన్లోకి తిరిగిపోతాం. అలాగే జిడ్డువారి మేడ దాటొచ్చి గుమ్చీ దాటి అలా ముందుకొచ్చేయడమే! దార్లో వెంకటేశ్వరస్వామి కోవెల కుడిచేతివైపు కనిపిస్తుంది చూడండీ.. రిక్షాలోనే చెప్పులు విప్పేసి ఓసారి దణ్ణం పెట్టేసుకోండి. అయ్యకోనేరు గట్టుమీద ఇంకాస్త [...]

 "యెంకి గాలొకసారి యిసిరినా సాలు - తోటంత రాజల్లె తవ్విపోసేను.. యెంకి సూపే సాలున"న్నాడు నాయిడుబావ. నిజమే! యెంకి లాంటి పిల్ల చూపే పడితే మహరాజయోగమే! "అమ్మకడుపు చల్లగా నూరేళ్ళు బతక"మని కోరుకునే మనసూ, అవసరమైన క్షణాన వెర్రిబసవన్నకైనా కొమ్ము విసిరే పొగరు నేర్పే తెలివీ, పుచ్చపువ్వంటి వెన్నెల రేయి వృధా పోనివ్వక కులుకు చూపి ముందడుగు వేయించే ఒడుపూ.. ముప్పేటలా అల్లుకున్న [...]

మావి చిగురు తినగానే కోవిల పలికేనా..?  కోవిల గొంతు వినగానే మావి చిగురు తొడిగేనా..? ఏమో.. ఏమగునో గానీ ఆమని - ఈ వని ..    ఎలమావి తొలిచిగుళ్ళ తోడుగా వసంతమాసం మరో కొత్త సంవత్సరానికి యవ్వనశోభను తెచ్చేసింది. ఎన్ని వసంతాలు గడిచినా పదారేళ్ళ పడుచులా మిడిసిపడేదొకటుంది. అదే “వలచిన మనసు”.  ఏ మంచు బిందువు తాకిడికో చిగిర్చి, మారాకులు తొడిగి.. కసరు మల్లెమొగ్గలా, ఏ మాటున లేవలపు [...]

నా ప్రాణమా, ఇంతకంటే దగ్గరగా మిమ్మల్ని ఏమని పిలుచుకోను? మాటిమాటికో పేర పిలిచి కవ్వించి వలపించుకునే మీ సారస్యం నాకెక్కడిదీ? ఓయ్ అబ్బాయీ, ఎక్కడివారు మీరూ? ఇలా ఎలా నా లోకంలోకి దూసుకొచ్చేసారూ! మీ సంతకం లేని నిన్నల్ని గుర్తు తెచ్చుకుంటే ఆశ్చర్యంగా ఉంటుంది. ప్రాణం లేకుండా ఈ దేహమిన్నాళ్ళెలా చలించిందా అని! వేయి రాత్రుల తపస్సు పండి, చకోరానికి చందమామ అందినట్టే నాకు [...]

బావూఁ.. నన్ను అప్పలనరసంతారు. మా ఇంటోడు "నరిసీ.." అనీవోడు. అదురుట్టమంతుడు.. నా సేతిలోనే మారాజు నాగా సుకంగా ఎల్లిపోనాడు. ఇయ్యాలేటో మనేద. కాలూ సెయ్యీ ఆడట్నేదు. ముగుణ్ణి కొట్టీసి మొగసేలకెక్కినాదట ఎనకటికొకత్తి! అట్టాగుంది నా పని. అవితే ఈడ నా తప్పేవీఁ నేదనుకోండీ.. న్నాయవోఁ అన్నాయవోఁ తవఁరే సెప్పాలి మరి. యేటయినాదంటే.. నాకో గుంతడున్నాడు. గుంతడంటే సిన్నోడూ సితకోడూ యేటి కాదు. [...]

వంకాయ బజ్జి పచ్చడిలో కొత్తిమీర ఎలా ఉండాలయ్యా అంటే "తత్వాలు పాడేటపుడు తంబురా శ్రుతిలా" అసలు విషయాన్ని మింగేయకుండా ఉండాలన్నాడు అప్పదాసు. "నొష్ట రాసిన రాలు తుడిచినా పోదు - చీర చెరుగులు పెట్టి తుడిచినా పోదు - పైట చెంగుల తోటి పులిమినా పోదు" అని పాడేంత సర్వజ్ఞురాలు బుచ్చిలక్ష్మి. చూడబోతే ఇద్దరికిద్దరూ సంగీత సాహిత్యాలు కాచివడబోసినట్టే అనిపిస్తారు. అచ్చ తెలుగు కథగా [...]

వేయి వెన్నెల రేయిలకైనా తనివి తీరని దాహం - చకోరాలది. వింత కాకపోతే మచ్చలున్న ఆ చందమామ ఏమంత అందగాడని!? కోటి కోట్ల సార్లు విన్నా తనివి తీరని తీయదనం - రామకథది. మచ్చలేని సుగుణాల రాశి.. దయా వారాశి.. ఆ దాశరథి కథ అని! వింతేముందని! "రామా!" అంటే చాలు. పెదవి తీయన.. మనసు చల్లన! అతగానికెక్కడిదీ మాయ!? ఏవిటా మహిమ!? పాల పాయసం చలువన పుట్టాడనేమో! లేక పాలసంద్రపు పట్టిని చేపట్టి చదివించుకున్న [...]

"చదవేస్తే ఉన్నమతి పోయిందని ఇదేం పాడుబుధ్ధిరా తండ్రీ! 'మచ్చా మరకా లేని పిల్లాడ'ని నలుగు పెట్టిన ప్రతీ సారీ మురిసిపోయేది మీ అమ్మ. దానికి కోపం వచ్చిందంటే రాదూ!" తరుగుతున్న వంకాయ ముక్కల్ని గిన్నెలో నీళ్ళలో వేస్తూ కాక్క మెత్తమెత్తగా చీవాట్లు వేస్తోంది. పేపర్ పక్కన పడేసి లోపలికెళ్ళి షేవింగ్ కిట్లోంచి నెయిల్ కటర్ తెచ్చుకొచ్చి కూర్చున్నాను. "మంగళారం పూటా గోళ్ళు [...]